Wararka ka imaanaya gobalka Baay ee dhanka Konfur Galbeed ee dalka Somali ayaa sheegaya in saacadihii lasoo dhaafay dagaal culus oo u dhaxeeya ciidamada Xarakada Shabaabul Mujaahidiin iyo maleeshiyaatka dowlada Ridada federaalka uu ka dhacay duleedka degmada Diinsoor ee gobalka Baay.
Dagaalka ayaa yimid kadib markii maleeshiyaat ka tirsan dowlada federaalka oo kasoo baxay degmada Diinsoor ay isku dayeen iney dhac ka geystaan deegaan hoostaga degmada Diinsoor balse waxaa maleeshiyaatkaasi weerar culus ku qaaday ciidamada Mujaahidiinta.
Dadka deegaanka ayaa xaqiijiyay in dagaalka lagu dilay shan ka tirsan askarta dowlada kuwaasi oo mid ka mid ah meydkiisa iyo qorigiisa goobta ay kaga carareen maleeshiyaatka dowlada Ridada federaalka’waxaana qoriga iyo booshkiisa gacanta ku dhigay ciidamada Mujaahidiinta Alshabaab.
Dhanka kale qarax culus oo loo adeegsaday miinada dhulka lagu aasa ee meelaha fog laga hago ayaa ka dhacay gudaha degmada Qansaxdheera ee gobalka Baay’iyadoona qaraxa uu dhacay kadib markii maleeshiyaatka dowlada ay miinada arkeen islamarkaana iyagoo aanan kala fur furin ay saarteen gaari nooca Cabdi bila ah oo ay la socdeen.
Miinada ayaa qaraxday kadib markii maleeshiyaatka Ridada ay lasoo galeen saldhiga degmada’waxaana gabi ahaan burburay gaarigii Cabdi bilaha ah ee maleeshiyaatka dowlada ay wateen’sidoo kale qaraxa waxaa dhimasho iyo dhaawac ku noqday tiro askar ah oo ka tirsan maleeshiyaatka dowlada Ridada federaalka.
Calamada.com
