Qarax Khasaara Dhaliyay Oo Ka Dhacay Gudaha Dalka Itoobiya.

-Addis-Ababa ItoobiyaWararka laga helayo dalka Itoobiya ayaa sheegaya in saacadihii lasoo dhaafay qarax khasaara dhaliyay uu ka dhacay gudaha dalkaasi’iyadoona warar dheeraad ah ay kasoo baxayaan qaraxaasi.

Qaraxa oo loo adeegsaday Bamka nooca gacanta laga tuura ayaa lagu weeraray hoteel ku yaala magaalada Kondar ee gobalka Amxaara ee Waqooyga dalka Itoobiya.

Afhayeenka dowlada Kufriga Xabashida Itoobiya ayaa u sheegay wakaalada wararka ee dalka Jarmalka in Bamka lagu weeraray hoteel weyn oo ku yaala magaalada Kondar.

Afhayeenka ayaa intaasi ku daray in qaraxaasi uu ku dhintay hal ruux oo shaqaalaha dowlada Itoobiya ka tirsan iyo dhaawaca 19 ruux oo qaarkood dhaawacyadooda culusyihiin.

Todobaad ka hor ayeey aheed markii sidoo kale qarax khasaara dhaliyay uu ka dhacay magaalada Bahardaar ee xarunta gobalka Amhaara ee dalka Itoobiya.

Calamada.com

Comments are closed.