Qaraxyo Askar Lagu Dilay Gaadiidna Lagu Gubay Oo Ka Dhacay Koonfurta Somalia.

Guutootinka qaraxyada xarakada Shabaabul Mujahidiin waxay maanta qaraxyo aad u xooggan la eegteen ciidamada kuffaarta Afrikaanta iyo masuuliyiin dowladeed, waxayna qaraxyadu ka dhaceen deegaanno ka kala tirsan wilaayaadka Sh/dhexe, Sh/hoose iyo duleedka magaalada Muqdisho.

Qaraxa koowaad oo ahaa mid aad u culus waxay Mujaahidiintu u dhigeen ciidamo ka tirsan kuffaarta Burundi waxaana qaraxaasi uu si gaar ah kaga dhacay deegaanka Buurane ee hoos taga degmada Mahaaday ee wilaayada Sh/dhexe.

Goobjoogeyaal ka agdhowaa goobta uu qaraxu ka dhacay waxay soo sheegeen inay maqlayeen jugta qarax aad u xooggan iyo baroorta ciidamada kuffaarta Burundi, ilo xog-ogaal ah waxay xaqiijiyeen in qaraxa ay ku dhinteen 2 askari oo ka tirsanaa ciidamada dowladda saliibiyadda ah ee Burundi.

Qaraxa labaad waxay ciidamada xarakada shabaabul Mujaahidiin ka fuliyeen degmada Jannaale ee wilaayada Sh/hoose waxaana qaraxaas uu haleelay kolonyo ka tirsan ciidamada Yugaandha oo ku socdaalayay duleedka degmadaas.

Ilo wareedyo muhiim ah waxay soo wariyeen in qaraxa uu si gaar ah u haleelay gaari Tow ah oo ka mid ahaa kolonyada saliibiyiinta waxayna xoguhu intaas ku darayaan in gaariga Tow-ga ah uu gabi ahaanba goobta ku basbeelay.

Dhanka kale qarax aad u xooggan ayay Mujaahidiintu la eegteen masuul  ka tirsan maamulka Ridada ugu magaacab deegaanka Garasbaaley, qaraxa waxa uu si gaar ah kaga dhacay deegaanka Weydow ee duleedka magaalada Muqdisho waxaana lasoo wariyay in qaraxan uu ku dhaawacmay Maxamed Weydow oo ka mid ah guddoomiye waaxeedyada deegaanka Garasbaaley iyo 2 ka mid ah ilaaladiisa.

Qaraxyadan isxig-xigay ee ka kala dhacay wilaayaadka Sh/hoose Sh/dhexe iyo duleedka magaalada caasimadda ah ee Muqdisho waxay kusoo beegmayaan xilli ciidamada shabaabul Mujaahidiin ay sii kordhiyeen beegsiga ay ku hayaan shisheeyaha iyo maleeshiyaadka ku daaban ee dowladda Ridada federaalka.

Halkan Kala Soco Wararka Deg Dega Ah Ee Website-ka Calamada.

Calamada.com

Comments are closed.