Mas’uuliyiintii ugu sarraysay maamulkii Cabdi ileey ayaa masiirkooda laga deyrinayaa kadib markii loo dhaadhiciyay xabsiyo kuyaal magaalada Addis Ababa.
Dowladda Itoobiya ayaa goodis adag udirtay madaxweynihii hore ee maamulka isku magacaabay DDSI ee kajira dhulka Somaligalbeed oo ah dhul gummeysi kujira wax ka badan 70 sanadood xiriir ah.
Abiy Axmed oo ah R/wasaaraha itoobiya ayaa shir jaraa’id oo uu ku qabtay magaalada Addis Ababa ka sheegay in ay ciqaab adag marsiin doonaan Cabdi Maxamuud Cumar oo Cabdi ileey loo yaqaan iyo xubnihii maamulkiisa.
“waxaa noo qorsheysan in aan tallaab adag ka qaadno Cabdi Maxamuud Cumar iyo xubnihii maamulkiisa kuwaas oo rabshado ka abuuray bariga itoobiya” ayuu yiri Abiy Axmed balse ma uusan sheegin waxa ay tallaabtu noqon doonto.
Magaalada Jigjiga waxaa laga saaray ciidamadii Liyuu Booliska waxaana qabsaday ciidamo katirsan melleteriga Itoobiya, Cabdi ileey ayaa ku xiran xabsi kuyaal magaalada Addis Ababa waxaana lafilayaa in dhowaan maxkamad lasoo taago.
Cabdi ileey ayaa intii uu xilka hayay wuxuu gummaad ugeystay Kumanaan qof isagoo adeegsanayay maleeshiyaadkii Liyuu Booliska oo sanaddii 2007 uu R/wasaarihii Itoobiya Males Zanaawi dhisay kuwaas oo dagaal ba’an lagalay xoogaga gobanimadoonka Soomaaligalbeed.
371 total views, 2 views today
