Sarkaal Ka Tirsan Maamulka Puntland Oo La Dilay.

Deegaan hoostaga Degmada Goldogob ee gobalka Mudug ee Bartamaha dalka Somalia waxaa lagu dilay sarkaal ka tirsan maamulka gaala raaca Puntland,iyadoona faahfaahin laga helayo dilka sarkaalkaasi.

Taliyihii maleeshiyaatka booliska degmada Goldogob ee gobalka Mudug ee maamulka Ashahaado la dirirka ah ee Puntland ninka lagu magacaabo Gaashaanlle  Cabdi Xamiid Warsame waxaa si bareer ah loogu dilay deegaanka Bursaalax oo hoostaga degmadaasi.

Wararka laga helayo degmadaasi waxey sheegayaan in sarkaalka iyo askar la socotay lagu weeraray duleedka degmada waxeyna wararku intaasi ku darayaan in sarkaalka Aano Qabiil loo dilay,sidoo kale Afar ka mid ah askarta Booliska Puntland ayaa lagu dhaawacay weerarkaasi.

Xaalad kacsanaan ah ayaa ka taagan degmada Goldogob iyo deegaanada hoosyimaada waxeyn dadka shacabka muujinayaan cabsi ku aadan in maleeshiyaatka Puntland ee ku sugan degmadaasi ay Hab Beeleed ugu dagaalamaan gudaha iyo duleedka degmadaasi.

Sawirka Hoos Idiin Kaga Muuqda Waa Taliyaha Booliska Degmada Goldogob Ee La Dilay.

Calamada.com

Comments are closed.