Afhayeenka ciidanka mujaahidiinta Sheekh Cabdi Casiis Abuu Muscab –Xafidahullaah-  ayaa caawa jeediyey kalimad kooban oo uu ku faafaahinayo weerarkii halyeeynimo ee xaley geesiyada Islaamka ay ku qaadeen saldhigga murtadiinta ee deegaanka Laanta-Buure, Isagoona sheegay in halkaas qasaare culus oo naf iyo maalba isugu jira lagu gaarsiiyey cadowga Alle.
Sheekh Abuu Muscab ayaa sheegay in weerarkii xaley lagu daahfuray camaliyad Istish-haadi ah oo uu fuliyey halyeey ka tirsan guutada Istish-haadiyiinta, kaas oo gaari uu hogaaminayey bartanka ka dhigay saldhigga cadowga, ka dibna wuxuu sheegay in ciidamo aad u hubeysan oo ka tirsan Mujaahidiinta ay ku daateen xerada kuwaas oo si buuxda ula wareegay saldhigga.
Wuxuu sheegay in dhowr iyo sodon askari oo ka tirsan murtadiinta lagu dilay weerarka sidoo kalena lagu dhaawacay tiro kale. Wuxuu sidoo kale sheegay in Mujaahidiinta ay weerarkaas ku soo ganiimeysteen ilaa todobo gaari oo saddex ka mid ah ay yihiin kuwa dagaalka.
Sheekh Abuu Muscab ayaa Mujaahidiinta ku amaanay dagaalka ay kula jiraan cadowga soo duulay, Isagoona ugu baaqay libaaxyada Islaamka in ay sii wadaan dagaalka ka dhanka ah cadowga Alle.
Deegaanka Laanta-Buure oo qiyaas ahaantii 40KM dhanka koonfur-galbeed kaga beegan magaalada Muqdisho ayaa dhowrjeer martigeliyey weeraro noocan oo kale oo Mujaahidiintu ay ku beegsadeen Maleeshiyaadka Murtadiinta, Waxaana halkaas ku yaalla saldhig weyn oo murtadiintu ay ka difaacaan xarumahooda muhiimka ah ee Muqdisho iyo Afgooye, sidoo kalena laga soo abaabulo dhibaatooyinka iyo arbushaadda ay murtadiintu ka geystaan deegaanada Sh/hoose.
Bishii Maarso ee sanadkan ayey ahayd markii weerar xoogan oo midkan la mid ah ay Mujaahidiintu ku qaadeen saldhigga murtadiinta ee Laanta-Buure xilligaas oo cadowga laga dilay ugu yaraan 73 askari, lagana soo ganiimeystay ilaa 9 gaari oo u badnaa gaadiidka dagaalka.
Halkaan Ka Dhageyso Kalimadda Sheekh Abuu Muscab Xafidahullaah.
XIGASHO:
Calamada.com
