Wararka ka imaanaya gobalka Shabeelada hoose waxey sheegayaan in saacadihii lasoo dhaafay ciidamada Kufaarta Afrikaanta tiro dad shacab ah ku dileen gudaha degmada Buulo mareer ee gobalkaasi.
Rasaas si arxan daro ah u fureena askarta Shisheeyaha ayaa sababtay dhimasho iyo dhaawac soo gaartay tiro dad shacab ah oo qeyb ka ah bulshada ku dhaqan degmada Buulo mareer.
Inta la xaqiijiyay rasaastaasi ayaa sababtay dhimashada labo ruux oo shacab ah iyo dhaawac hal ruux kaasi oo dhaawaciisa loo qaaday dhanka magaalada Muqdisho.
Sidoo kale askarta gaalada Shisheeyaha ah waxey burbur u geystaan qaar ka mid ah dhismooyinka ku yaala magaalada kadib markii ay ku garaaceen qoriga loo yaqaana RBG-ga.
Dhacdadaan oo ah mid aargoosi ah waxey imaaneysa xilli saacadihii lasoo dhaafay qarax askarta shisheeyaha lagula beegsaday duleedka degmada Buulo mareer uu sababay dhimashada iyo dhaawaca tiro askar ah.
Calamada.com
