Wararka ka imaanaya degmada Qoryooley ee gobalka Shabeelada hoose ayaa sheegaya in gudaha degmadaasi lagu dilay madaxii amniga maamulka dowlada Ridada federaalka ugu magacaaban degmadaasi.
Sarkaalka la dilay ayaa lagu magacaabi jiray Axmed Gaabow Buulle kaasi oo ahaa taliyihii dhanka amaanka maamulka dowlada federaalka ee degmadaasi’waxaana sarkaalkan dilay sarkaal kale oo ka tirsan saraakiisha dowlada Ridada ee degmadaasi.
Dilka taliyihii dhanka amaanka ee degmada Qoryooley ayaa yimid kadib markii lacago baad ah ay ku murmeen sarkaalka dila geystay’waxaana suura gal ah in saacadaha soo socda maleeshiyaatka dowlada federaalka qaab beeleed ugu dagaalamaan gudaha degmadaasi.
Dilka sarkaalkan ayaa kusoo aadaya xilli saacadihii lasoo dhaafay maleeshiyaat ka wada tirsan dowlada Ridada federaalka ay ku dagaalameen gudaha degmooyinka Marka’Qoryooley iyo Mahadaay oo ka kala tirsan gobalada Shabeelada hoose iyo Shabeelada dhexe.
Muuse Malaay.
Calamada Online.
Muqdisho Somali.
