Wararka ka imaanaya gobollada dhexe ee dalka soomaaliya ayaa sheegaya in dagaallo culus ay ku dhaxmarayaan ciidamada Xarakada Shabaabul Mujaahidiin iyo ciidamada Kufaarta Xabashida Itoobiya.
Dagaallada ugu culus waxay ka socdaan duleedka degmada Aadan Yabaal ee gobolka shabeellaha dhexe.
Dagaallada ayaa yimid kadib markii ay ciidamada Al Shabaab weerar dhabagal ah u dhigeen kolonyo katirsan ciidanka Xabashida Itoobiya oo ku socdaalayay wadada xiriirisa degmooyinka Aadan Yabaal iyo Moqokori.
Qof Ku sugan degmada Aadan Yabaal ayaa warbaahinta u sheegay in ciidamada Itoobiya laba gaari looga gubay dagaalka walina waxaa la maqlayaa hugunka madaafiic iyo rasaas culus oo lays dhaafsanayo.
Xabashida Itoobiya ayaa shalay dhaq dhaqaaq melleteri oo ka dhan ah degmada Aadan Yabaal ka sameysay gobolka Hiiraan iyadoona barakac xooggan uu ka jiro deegaano shabeellaha dhexe katirsan.
Dhinaca kale dagaallo culus ayaa maanta duhurkii ka qarxay duleedka degmada Ceelbuur ee gobolka Galguduud bartamaha dalka soomaaliya, dagaallada ayaa yimid kadib markii ciidanka Itoobiya ay gaareen tuulada Ula-jarad oo 20KM dhanka Koonfureed uga began degmada Ceelbuur.
Ciidamada wilaayada Islaamiga Galguduud ayaa weeraro dhowr jiho ah ku qaaday ciidanka Itoobiya taasi oo sababtay in ay joojiyaan dhaq dhaqaaqii melleteri oo ay duleedka Ceelbuur ka wadeen.
Xabashida Itoobiya ayaa muddo 2 sana ah ku sugan Ceelbuur wax guul ahna kama gaarin duullaankooda sababa la xariira magaalada oo ah mid faaruq ah kadib markii shacabkii deganaan ay barakac sameeyeen.
Falanqeeyayaasha melleteriga ayaa sheegaya in is fidinta ciidanka Itoobiya ee Shabeellaha dhexe iyo Galguduud ay xarakada Al Shabaab fursad usiinayso in ay kala dhantaasho awoodda cadawga.
