Waa Sidee Xaalada Maalintii Labaad Ee Deegaanka Kulbiyow ?.

Goob Jooge ay u suurtagashay in uu tago saldhiggii melleteri ee ciidanka Kenya laga qabsaday ayaa sheegay in indhihiisa uu kusoo arkay meydadka 71 Askari Kenyaan ah.

“Aniga ayaa tagay saldhiggii lagu weeraray ciidanka Melleteriga waxaan indaheyga ku arkay oo aan soo tiriyay Meydadka 71 askari” sidaas waxaa yiri qof Goob Jooge ah oo ku sugan deegaanka Kulbiyoow.

Dadka deegaanka ayaa sheegay in ciidanka Kenya ay isaga baxeen deegaanka kadib markii ay shalay mar dib ugusoo laabteen iyagoona aruuriyay qaar kamid ah askartii weerarka looga dilay.

Dhinaca kale guddoomiyihii deegaanka Kulbiyoow ugu magacaawnaa maamulka ‘Jubbaland’Max’med Tooxyare Nuux ayaa la xaqiijiyay in uu ku dhintay weerarkii shalay.

Wararkii ugu dambeeyay ayaa sheegaya in xaaladdu tahay mid deggan waxaana goobihii lagu dagaallamay ku sugan ciidamada Xarakada Mujaahidiinta Al Shabaab.