Saacadihii lasoo dhaafay waxaa gudaha magaalada Boosaaso ee xarunta gobalka Bari lagu dhaawacay waziirka Amniga maamulka Ashahaado la dirirka Puntland iyo labo sarkaal oo ka tirsan maamulkaasi.
Waziirka amniga maamulka gaala raaca Puntland ninka lagu magacaaba Cabdi Xirsi Cali oo ku magac dheer (Qarjab) iyo labo sarkaal oo kala ah Cali Xuun iyo Cabdi Saciid Cadde ayaa dhaawacmay kadib markii ay si bareer u rasaaseeyeen maleeshiyaat ka amar qaata Afgaduud oo ah taliyaha maleeshiyaatka booliska maamulka Puntland,
Sidoo kale rasaastaasi waxaa ku dhaawacmay shan askari oo ka mid ah maleeshiyaatka maamulka dowlada Xabashida Itoobiya dhisatay ee Puntland’iyadoona xubnaha ku dhaawacmay rasaastaasi oo qaarkood dhaawacyadooda culusyihiin la dhigay isbitaalka guud ee magaalada Boosaaso.
Wararka qaar ayaa sheegaya in rasaasta ay timid kadib markii kulan looga hadlayay dhanka amaanka oo ka socday magaalada Boosaaso ay isku gacan qaadeen taliyaasha maleeshiyaatka Booliska ninka lagu magacaaba Afgaduud iyo taliyaha maleeshiyaatka Birmidka ninka lagu magacaaba Cismaan Afdalow.
Maleeshiyaatka daacada u ah Afgaduud ayaa rasaas ooda ka qaaday kadib markii ay arkeen in taliyahooda looga itaal roonaaday gacan ka hadalka rasaastaasi oo ugu dambeyntii sababtay dhaawacyo soo gaartay mas’uuliyiin iyo maleeshiyaat ka tirsan maamulka Puntland.
Calamada.com
