Weerar Dhimasho Iyo Dhaawac Ay Ku Noqdeen Ku Dhawaad Toban Askari Oo American Ah.

Wararka ka imaanaya dalka Afghanistan waxey sheegayaan in weerar culus oo lala beegsaday ciidamada Saliibiyiinta Mareykanka uu ka dhacay qeybo ka mid ah dalkaasi.

Weerarkan oo loo adeegsaday Sawaariikh waxaa lagu qaaday Saldhiga ciidamada Saliibiyiinta Mareykanka ay ka sameysteen garoonka diyaaradaha Wilaayada Farah ee Galbeedka dalka Afghanistan.

Labo Saaruukh ayaa lagu dhuftay Saldhiga taasi oo sababtay khasaara nafeet iyo mid hantiyadeed oo soo wajahday ciidamada Saliibiyiinta Mareykanka ee duulaanka ku joogta dalkaasi.

War rasmi ah oo kasoo baxay Imaarada Islaamiga Afghanistan ayeey Imaaradu ku xaqiijisay in duqeyntaasi ay ku dishay Saddex askari oo American ah islamarkaana ay ku dhaawacday Afar askari oo isla ciidamada Mareykanka ah.

Sidoo kale qoraalka Imaarada Islaamiga ayaa lagu xaqiijiyay in duqeyntaasi lagu burburiyay Labo diyaaradood oo noocyada dagaalka ah gaar ahaan noocyada Elecobtarka diyaaradahaasi oo ay la haayeen ciidamada Saliibiyiinta Mareykanka.

Weerarkan khasaaraha nafeet iyo midka hantiyadeed lagu gaarsiiyay askarta Mareykanka ayaa kusoo aadaya xilli saacadihii lasoo dhaafay weerarka dhacay deegaan ka tirsan Wilaayada Lugman ee Bariga dalka Afghanistan lagu burburiyay mid ka mid ah gaadiidka gaashaaman ee ciidamada Saliibiyiinta Mareykanka sidoo kale weerarkaasi waxaa baqti iyo dhaawac ku noqday tiro askar American.

Weeraradan ka kala dhacay Bariga iyo Galbeedka dalka Afghanistan ayaa muujinayo inuu dhiig bax xoogan ku socda ciidamada Saliibiyiinta Mareykanka ee duulaanka ku joogta dalkaasi.

Comments are closed.