Weerar Gaadiid Looga Gubay Shisheeyaha Oo Ka Dhacay Shabeelada Hoose.

Faahfaahin horu dhac ah ayaa laga helayaa dagaal duhurnimadii maanta ka dhacay degaan hoos yimaada magaalada Marko, kaasoo dhex maray milatariga Xarakada Mujaahidiinta Al-Shabaab iyo kuwa amisom.

Dagaalka oo ahaa mid culus, ayaa yimid kadib markii askar ka tirsan Al-Shabaab, ay dhabbaha u galeen kolonyo gaadiid ah oo ay wateen ciidamada shisheeye ee Amisom oo marayay degaanka Ceel-wareegow oo u dhow Marko.

Inta la xaqiijiyay waxaa ciidamada shisheeye laga gubay gaari xamuul ah oo ay saad ku wateen iyo gaari gaashaaman oo uu noociisu yahay Taw. Sidoo kale waxaa jira tiro askar ah oo Amisom looga dilay dagaalka.

Shalay ayay ahayd markii uu taliyaha guud ee ciidamada Uganda, sheegay in askartoodu nugul yihiin islamarkaana ay ku dhib qabaan weerarada uga yimaada Xarakada Al-Shabaab, siiba kamaa’inta ama dhabba gallada.

Comments are closed.