Weerar Khasaara Dhaliyay Oo Ka Dhacay Magaalada Mandheere.

Wararka ka imanaya dhulka Soomaaliyeed ee ay Kenya gumeysato waxay sheegayaan in dad Kenyaan ah habeenkii xalay lagu dilay degaan hoos yimaada Mandheera,

Weerarka oo ka dhacay degaanka Shimbir Faadumo oo ku yaalla Koonfurta Mandheera, ayay Kenyaanku tuhunsan yihiin in ay ka dambeeyaan ciidamada Xarakada Al-Shabaab.

Mid ka mid ah saraakiisha Kenya ayaa sheegay in ay aaminsanyihiin in ugu yaraan labo qof la dilay halka qaar kamid ah warbaahinta Kenya ay sheegayaan in afar muwaadin lagu dilay weerarkii xalay.
Madaxa Amnga ee Gobolka Mandheera Ninka lagu magacaabo Kutswa Ololka ayaa wargeyska Daily Nation u sheegay in aysan weli caddayn karin tirada dadka ku wax yeelloobay weerarka.

Tan ayaa muujineysa in wali ciidamada Kenya aysan tagin halka ay wax ka dhaceen. Dhulka Soomaalida NFD ee ay Kenya gumeysato iyo gobolka Lamu oo ah dhul xeebeedka muslimiintu leeyihiin ayaa safka hore uga jira meelaha ay ku badanyihiin weerarada ay fuliyaan xoogaga Al Shabaab.

Comments are closed.