World Street Journal: Maraykanka Ciidamo Carbeed Ayuu Geyn Doonaa Suuriya.

Wargeyska World Street Journal oo kamid ah wargeysyada ugu afka dheer ee kasoo baxa dalka Maraykanka ayaa daabacay warbixin uu ku xaqiijinayo in Maraykanka uu doonayo in ciidamo kasocoda dowladaha carabta uu geeyo Suuriya.

Wargeyska oo soo xiganaya saraakiil Ameerikan ah oo uusan magacabin ayaa sheegay in Donald Trump uu ka codsaday dowlado carbeed oo ay ku jiraan kuwa khaliijka Carabta iney ciidamo keenaan dalka Suuriya, kuwaas oo bedela ciidamada Maraykanka.

Sida uu sheegayo wargayska, saraakiil sar sare oo katirsan Gaashandhiga Maraykanka ayaa khadka teleefanka kula xiriiray madaxa sirdoonka xukuumadda Siisi ee Masar, iyagoona kawada Hadley suurta-galnimada in Masar ay kamid noqoto dowlado carbeed oo ciidamo keenaya Suuriya.

Saraakiisha la hadlay wargeyska World Streer Jornal ayaa sheegay iney filayaan in dowladaha Carabta ay si deg deg ah ku aqbalaan codsiga Donald Trump.

Maraykanka ayaa u muuqda inuu ka daalay dagaalka uu kaga jiro wadamada caalamka Islaamka, islamarkaana uu doonayo inuu dhimo oo uu yareeyo dhiig baxa ku socoda ciidamadiisa.

Tallaabadan waxay imaaneysaa xilli dhawaan Donald Trump, madaxweynaha Maraykanka uu shaaca ka qaaday in ciidamadiisa uu kala soo baxayo Suuriya, markii dmabana wuu ka laabtay go’aankaas, isagoona sheegay in haddii ay sii joogayaan Suuriya ay waajib ku tahay dowladaha carbeed gaar ahaan maamulka Aala-Sucuud inay bixiyaan lacago dheeraad ah.

Comments are closed.