Xaalad Deg Deg Ah Oo Lagu Soo Rogay Dalka Itoobiya.

Kadib kulan deg deg ah oo magaalada Addis Ababa ay ku yeesheen golaha wasiirrada wadanka Itoobiya ayay ku go’aamiyeen in xaalad degdeg ah wadanka lagusoo rogo.

Wasiirka warfaafinta iyo isgaarsiinta Itoobiya ayaa bayaan uu soo saaray laga akhriyay Raadiyaha iyo Telefeshinka Qaranka wadanka wuxuuna iclaaminayay xaalad degdeg ah oo aan la sheegin inta bil ee uu socanayo.

Golaha wasiirrada Itoobiya ayaan bayaanka ay soo saareen ku sheegay in wadanku marayo xaalad halis ah “joojinta rabshadaha ka dhanka dowladda waa mid daruur ah, kadib xaalad halis ah oo waddanku galay waxaa lagama maarmaan ah xaalad degdeg ah” ayaa lagu yiri Bayaanka.

Wariyaal ku sugan magaalada Addis Ababa ayaa soo sheegaya in go’aanka kasoo baxay dowladda Itoobiya uu yahay mid mugdi badan ku jiro sababtoo ah lama sheegin waqtiga uu Bandawgu socanayo iyo waxyaabaha mamnuuca ah inta uu socdo.

Bandawgan waxaa ka horreeyay mid 10 bilood socday oo aan waxba soo kordhin walina waxaa sii socda kacdoonnada ka dhanka ah xukuumadda Tigreega oo ay dhigayaan shacabka qowmiyadda Oromada.

Haille Mariam oo ahaa R/wasaaraha wadanka ayaa Khamiistii lasoo dhaafay ku dhawaaqay in uu iska casilay xilkii uu u hayay dowladda iyo hoggaaminta xisbiga talada haya.

Shalay oo jimca aheyd malaayiin qof oo muslimiinta Oromada katirsan ayaa dhigay iskusoo baxayo ballaaran oo ay ku dalbanayeen isbedel, wararka qaar ayaa sheegaya in uu jiro khilaaf u dhaxeeya siyaasiyiinta wadanka ee Qowmiyadaha kala duwan kasoo jeeda.

Comments are closed.