Xad Dil Ah Oo Ka Dhacay Fagaara Ku Yaala Magaalada Bu’aale.

fagaaraha xadu ridaaMaxkamadda Wilaayada Islaamiga Jubbooyinka ayaa xukuno kala duwan ku ridday dad galay dambiyo kala duwan.

Fagaara kuyaal magaalada Bu’aale ee xarunta gobolka Jubbad dhexe waxaa maanta gelinkii dambe lagu toogtay sedax ruux oo laba kamid ah ay ku kaceen falkii qowmu luud lagu halaagay halka midka kale uu ahaa Jaasuus.

Qaadiga Maxkamadda islaamiga Jubbooyinka ayaa fagaraaha xukunnada dilalka ah ka dhacayeen ka akhriyay dambiyada lagu helay ragga la toogtay.

1- Isxaaq Abshiroow oo 20 sana jir ah iyo C/Risaaq Sheekh Cali oo 15 Jir ah ayay ciidamada Xisbada gacanta kusoo dhigeen iyagoo isku sameynaya Ficilkii Qowmu-luudka lagu yaqiinay.

2- Saciid Max’med Cali oo kamid ahaa Jawaasiista ciidamada Itoobiya ay tababareen ayaa isagoo ka tagay magaalada Kismaayo lagusoo qabtay howlgal ka dhacay duleedka degmada Baardheere.

Kadib markii maxkamadda islaamiga ah ay qaadday dacwada eedaysanayaasha ayay xukuntay waxa ay sharciga islaamka ka mutaysteen sidaasina waxaa goob fagaara ah ka sheegay qaaddiga guud ee maxkamadda.

Wariye ku sugan magaalada Bu’aale ayaa sheegay in dhammaan ragga ay maxkamadda islaamiga ah xukuntay dil toogasho ah lagula fuliyay fagaaraha weyn ee magaalada Bu’aale.

Comments are closed.